Category Archives: Вести

Одложено: 52 Илинденски Кајак Слалом ИКАС 2020

                                                                 Почитувани,
Во името на Кајакарската Федерација на Македонија како одговорни за техничката организација на 1то коло од Европскиот Куп во спуст-спринт коешто беше планиарно да се оддржи во првата недела на Април (04 – 05 Април), заедно со Традиционалниот 52ри Меѓународен Илинденски Кајак слалом “ИКАС 2020” , би сакале да Ве информираме за следново:
– Земајќи ја во предвид моменталната состојба со ширењето на Ковид-19 (Corona) вирусот во светот, на 18.03.2020, Претседателот на Република Македонија прогласи вонредна состојба на целата територија на Република Македонија.

Кајакарската Федерација на Македонија како одговорна Федерација во целиот изминат период ги следеше препораките од сите државни институции поврзани со состојбата во државата , и по донесувањето на Одлуката за воведување на вонредна состојба во нашата држава превзема чекори за одложување на планираните натпревари. Од страна на Федерацијата контактирани се Европската и Светската Кајак Федерација при што споделена е моменталната состојба во нашата држава.Воедно споделена е информацијата дека како организатори сме спремни предвидените натпревари доколку постојат реални услови да бидат оддржани во месец Септември и тоа со следниот распоред:

Традиционалниот 52ри Меѓународен Илинденски Кајак слалом “ИКАС 2020” потврдена и прифатена е дата на 19-20 Септември 2020.

1-то коло од Европскиот Куп во спуст-спринт / предложена е датата 18 Септември 2020 година , а во сорабoтката со Европската Кајак Асоцијација датата за оддржување ќе биде потврдена дополнително по ревидирањето на комплетниот Европски календар во спуст-спринт За што дополнително ќе споделиме информации до Вас.

Во името на Кајакарската Федерација на Македонија, Ви посочуваме да ги следите превземените мерки од нашата Влада , со цел спортот побрзо да се врати на спортските терени. 

#BESAFE #STAYHOME

52 Илинденски Кајак Слалом ИКАС 2020

52 ILINDENSKI KAYAK SLALOM "IKAS 2020"52то издание на Илинденскиот Кајак Слалом ИКАС 2020 повторно на календарот на Светската кајак федерација ИЦФ. Воедно за време на одржување на Илинденскиот кајак слалом ќе се одржи и 2рото коло од Европскиот Куп во Спуст/спринт кој е под покровителство на Кајакарската федерација на Македонија и Европската кајак асоцијација. Натпреварите ќе се одржат во два натпреварувачки дена на 04 – 05 април 2020 година.

Покана / Програма за натпреварот

Пријава за 52 ИКАС

Пријава за 2 коло Спуст

Извадок од календарот можете да ги  најдете на следниот линк

https://www.canoeicf.com

Изборни натпревари за Сениори и Сениори У23

Во спортско рекреативниот центар Матка, на кајакарската патека за слалом и спринт, во текот на изминатите два дена се оддржаа Првиот и Вториот изборен натпревари за Сениорската репрезентација. Во двата дена доминираше натпреваарувачот од Кајак Кану клубот Вардар од Велес, Ангелче Петрушевски кои воедно е и еден од натпреварувачите кои е во делот на Програмата Млади спортски надежи поддржана од страна на Агенцијата за млади и спорт. Изборните натпревари беа најава за следниот викенд кога Спортско рекреативниот центар Матка по 51 пат ќе биде домаќин на Традиционалниот Илинденски кајак слалом ИКАС 2019.

Резултати од изборните натпревари >>

 

ЕВРОПСКО ПРВЕНСТВО ВО СПУСТ

 

ЕВРОПСКО ПРВЕНСТВО ВО СПУСТ линк до веб страна

Светско првенство за Јуниори во слалом – Ивреа Италија

Нашиот натпреварувач Небиовски Енис на Светското првенство за јуниори и сениори до 23 години, кое се одржува во Ивреа Италија, после првото возење со пласман на 30- тото место, обезбеди директен пласман во полуфиналните возења кои ќе се одржат во недела. Небиовски во категоријата јуниори каде од вкупно 83 натпреварувачи со одлично возење го завзема 30-тото место, иако имаше 4 казнени секунди тој беше доволно брз да го обезбеди пласманот во полуфиналето уште во првото возење. Полуфиналните возења се возат во недела каде 40 натпреварувачи во неговата категорија ќе се борат за пласман во финалето каде ќе настапат само најдобрите 10 натпреварувачи. Земајќи во предвид дека имаше 4 казнени секунди односно допир на две капии тој во квалификациите ќе го завземеше 17 место. Информациите од нашиот тим водачот на екипата Димче Стефановски и тренерот Атанас Николовски не информираа дека во овој момент мислат на финалето а ние им посакуваме во овие неколку дена пауза да се одморат и во недела очекуваме финале. Резултатите од денешните возења можете да ги најдете на овој линк: